सरकारले शनिवार र आइतबारको सार्वजनिक बिदा लगायतका अन्य बिदाको पुनरवलोकन गर्न भएको छ । नेपाल सरकारका सचिवहरूको बैठकले यस्तो निर्णय गरेको हो । मुख्य सचिवमा गोविन्दबहादुर कार्कीको बढुवा नियुक्ति भएपछि पहिलो पटक सोमबार प्रधानमन्त्री तथा मन्त्रिपरिषद्को कार्यालय सिंहदरबारमा बसेको सचिवहरूको बैठकले सार्वजनिक बिदाको पुनरावलोकन गर्ने लगायतका २२ बुँदे निर्णय गरेको छ।

बिज्ञापन

हप्तामा दुई दिन बिदा दिने व्यवस्था लागू भएपछि साविकका अन्य बिदाहरूको सङ्ख्या र औचित्यमाथि पुनरवलोकन गर्न यो निर्णय गरिएको हो। गृह मन्त्रालयका सहसचिवको संयोजकत्वमा गठन हुने कार्यदललाई १५ दिनभित्र प्रतिवेदन पेस गर्न समयसीमा तोकिएको छ। कार्यदलमा प्रधानमन्त्री तथा मन्त्रिपरिषद्को कार्यालय, भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालय र अर्थ मन्त्रालयका प्रतिनिधि रहने निर्णय पनि गरेको छ।